Петропавл жаңалықтары
Ауқымды жоба экологияға қамқорлық пен отбасылық құндылықтарды насихаттауды ұштастырды. Іс-шараны Солтүстік Қазақстан облысы әкімдігі Білім басқармасының Әдістемелік орталығы ұйымдастырды. Акцияның негізгі мақсаты – отбасы институтын нығайту, ұрпақтар сабақтастығын дамыту және балалар мен жастардың табиғатқа деген жанашыр көзқарасын қалыптастыру, деп хабарлайды SKO24.kz.
Жобаның басты ерекшелігі – отырғызылған көшеттер балалармен бірге өсіп, болашақ ұрпаққа туған өлкенің экологиясын сақтаудың маңызын еске салып тұрады.
Акцияға шамамен 108 адам қатысты. Олардың қатарында Петропавл мектептерінің оқушылары, ата-аналар мен педагогтер болды. Отбасылар бірлесіп еңбек етті: ересектер ағаш отырғызуға қажетті шұңқырларды дайындап, көшеттердің тамырын бекітсе, балалар белсенді түрде көмектесті.
Педагогтердің айтуынша, мұндай шаралар балаларды гаджеттерден алыстатып қана қоймай, отбасы мүшелерінің арасындағы байланысты нығайтады, жауапкершілік пен командалық рухты қалыптастырады. Балалар өз қолымен ағаш отырғызып, оны суарып, еңбегінің нәтижесін көргенде, табиғатқа деген қамқорлығы арта түседі.
Акция үшін ескі саябақтың таңдалуы да кездейсоқ емес. Бұл – қала тұрғындарының сүйікті демалыс орындарының бірі. Жаңа аллея саябақтың көркін арттырып, достықтың, отбасы жылуы мен бірліктің символына айналмақ.
Іс-шара аяқталғаннан кейін қатысушылар ұзақ уақыт тарқамай, естелік суретке түсіп, әсерлерімен бөлісті.
Ұйымдастырушылар алдағы жылдары Петропавлда жақсы дәстүрге айналып, оған қатысушылар саны арта түседі деп үміттенеді. Табиғат пен туған қаланың болашағына қамқорлық жасау – әр отбасының шағын, бірақ маңызды ісінен басталады.
