Петропавл жаңалықтары
Мемлекет басшысы Қасым-Жомарт Тоқаев тазалық әр адамнан, әр үйден, әр көшеден және әр қаладан басталуы тиіс екенін атап өткен болатын. Президенттің айтуынша, «Таза Қазақстан» бір реттік акция болмауы керек - ол өмір салтына айналуы қажет. Дәл осы идея бүгінде СҚО-да нақты экологиялық бастамалар арқылы қолдау тауып отыр. Әртүрлі аудандарда тұрғындар сенбіліктерге шығып, аулаларды, саябақтар мен қоғамдық кеңістіктерді ретке келтіруде, ал жастар экологиялық ағартудың жаңа форматтарына тартылуда, деп хабарлайды SKO24.kz.
Петропавлда тазалықты сақтау бастамаларына жастарды практикалық тұрғыда тартуға және экологиялық мәдениетті қалыптастыруға бағытталған «Тазалық қозғалысы» экологиялық квесті ұйымдастырылды. Ұйымдастырушылар интерактивті форматқа басымдық берді: қатысушылар экология туралы айтып қана қоймай, аумақты тазалау, қалдықтарды сұрыптау және экологиялық әдеттерге қатысты тапсырмаларды орындады.
«Бүгінде экологиялық күн тәртібі аса өзекті, және жастардың «Таза Қазақстан» республикалық бағдарламасын белсенді қолдап отырғаны бізді қуантады. «Тазалық қозғалысы» квесті - уақытты қызықты өткізу ғана емес, қоршаған ортаға деген жеке жауапкершілік туралы ойлануға мүмкіндік. Ойын станциялары арқылы қатысушылар қалдықтарды сұрыптау, командалық жұмыс және экологиялық мінез-құлық бойынша практикалық дағдылар алады», - деп атап өтті Қоғамдық даму және ақпарат орталығының жастар бастамалары бөлімінің жетекшісі Анастасия Волкова.
Квест үш станциядан тұрды. «Экофилворд» станциясында қатысушылар экология, сұрыптау және қайта өңдеуге байланысты сөздерді іздеді. «Эко-рейд» станциясында командалар сыпырғышпен қозғалмалы эстафетадан өтіп, шартты қоқысты жинап, «ластанған аймақтарды» тазартты. Үшінші станцияда қатысушылар қалдықтарды контейнерлерге дұрыс бөлуі керек болды - қағаз, пластик және шыны.
Мұндай формат білім беру, практикалық және командалық бағыттарды біріктіруге мүмкіндік берді. Ойын арқылы жастар күнделікті өмірде қолдануға болатын жеке тәжірибе алды.
«Маған іс-шараның форматы өте ұнады, өйткені бұл экология туралы жай ғана дәріс емес, нағыз командалық ойын болды. Әсіресе қоқысты сұрыптауға арналған тапсырмалар мен эстафета есте қалды. Мұндай іс-шаралар табиғатқа қамқорлық жасаудың оңай әрі қызықты екенін түсінуге көмектеседі. Квестен кейін көптеген қатысушылар айналасындағы тазалыққа мұқият қарай бастайды деп ойлаймын», - деп бөлісті квест қатысушысы Мадина Протопопова.
«Тазалық қозғалысы» квесті Солтүстік Қазақстан облысының «Таза Қазақстан» бағдарламасын іске асыруға қосқан тағы бір үлесі болды. Осындай бастамалар жастардың қоршаған ортаға жауапты көзқарасын қалыптастыруға және оларды елдің таза әрі жасыл болашағын құру жолындағы ортақ іске тартуға мүмкіндік береді.
