Іс-шараға шамамен 70 полиция қызметкері қатысты. Олар жергілікті әріптестерімен бірлесіп 79 тәуекел тобындағы адамды тексеріп, жеті қоғамдық орынға рейд жүргізді. Сонымен қатар, азаматтық қару сақталу шарттары тексеріліп, үш бұзушылық анықталды.

Балалар қауіпсіздігіне ерекше көңіл бөлініп, Тайынша қаласындағы бес мектеп антитеррористік және жалпы қауіпсіздік талаптарына сәйкес тексерілді. Бір мектепте тревождық батырманың жұмысын тексеру мақсатында оқу-жаттығу сабағы өткізілді.

Полиция қызметкерлері 600-ден астам үйге аула аралау жасады. Тұрғындарға интернет алаяқтық схемалары туралы ескерту беріліп, ақпараттық парақшалар таратылды. Сондай-ақ, 28 тұрғын «банктік қарыздар мен микрокредиттерді ерікті алмау» қызметіне қосылып, қаржылық және киберқылмыстардан қорғану шараларын қолданды.

Мектептер мен жұмыс коллективтерімен кездесулерде полиция қызметкерлері жасөспірімдер мен ересектерге алаяқтыққа қарсы іс-қимыл, буллингтің алдын алу және есірткіге тартудың зияны жөнінде түсіндіру жұмыстарын жүргізді. Отбасы қолдау орталығында тұрмыстық зорлық-зомбылыққа қатысы бар азаматтармен профилактикалық әңгімелер өткізілді.

Іс-шара барысында қоғамдық орындарда мас күйінде жүрген 13 адам, абаттандыру ережелерін бұзу бойынша 9 және жол қозғалысы ережелерін бұзу бойынша 13 факт анықталды.

Бұндай кешенді профилактикалық іс-шаралар Бұлаево қаласында да өткізілген болатын. Солтүстік Қазақстан облысы полициясы болашақта аймақтың басқа аудандарына да осындай рейдтерді жалғастыруды жоспарлап отыр.