Рәсімге Солтүстік Қазақстан облысының әкімі Ғауез Нұрмұхамбетов қатысып, бұл нысанның ауыл тұрғындары арасында дене шынықтыру мен бұқаралық спортты дамытудағы маңыздылығын атап өтті. Жергілікті тұрғындар жаңа спорт нысанының ашылуын қуана қарсы алды. Жаңа корттың мұз айдынында балалардың театрландырылған қойылымы өтті.

Жаңа спорт кешені тек жаттығу және жарыстар үшін ғана емес, сонымен қатар өскелең ұрпақ салауатты өмір салтына және спорттық жетістіктерге араласа отырып, өз әлеуетін іске асыра алатын алаңға айналады.

Корттың құрылысына облыстық бюджеттен 330 миллион теңге жұмсалды. Спорт ғимаратында жылы шешінетін орындар, себезгі бөлмелері, дәретханалар қарастырылған. Ауылдық аудандарда спорт инфрақұрылымын дамыту мемлекеттік саясаттың басым бағыты болып табылады. Өткен жылы Солтүстік Қазақстан облысының аумағында 37 жаңа спорт нысаны салынды, оның ішінде 28-і ауылдық елді мекендерде пайда болды.

Олардың қатарында көпфункционалды спорт кешендері, хоккей корттары мен шағын футбол алаңдары бар, бұл барлық жастағы тұрғындар үшін белсенді демалуға және спортпен айналысуға жағдай жасайды.

2024 жылы спорт инфрақұрылымын дамыту жөніндегі жұмыс жалғасады. Өңірде жаңа спорт кешені, бассейн, бірнеше хоккей корты ашылады, сондай-ақ «Қарасай» стадионы ауқымды қайта жөндеуден өтеді. Петропавлда қазіргі заманғы мұз сарайының құрылысы басталды, бұл қысқы спорт түрлерін дәріптеуге және спортшылардың кәсіби өсуіне мүмкіндік жасауға тағы бір қадам болмақ. Жоспарда сондай-ақ құрамына ауа райына қарамастан жыл бойы жаттығуға мүмкіндік беретін жабық футбол манежі кіретін футбол академиясының құрылысы бойынша жобаны іске асыру бар.

Аймақ басшысы жолдастық кездесуде облыс әкімдігі мен Есіл ауданының ардагерлер командасы арасында шайба лақтырылды. Облыс әкімі Гауез Нұрмұхамбетов аудан спортшыларына коньки мен хоккей амунициясын сыйға тартты.

Аймақ басшысы спорт инфрақұрылымын дамыту және дене шынықтырумен айналысу үшін жағдай жасау әлеуметтік саясаттың маңызды аспектілері болып табылатынын атап өтті. Аталған бастамалардың мақсаты халықтың салауатты өмір салтына дағдыларын қалыптастыру, жастарды спортқа тарту және болашақ чемпиондарды тәрбиелеу болып табылады, олар Солтүстік Қазақстан облысын республикалық және халықаралық деңгейде танымал ете алады. Өңір билігі тұрғындарды заманауи және қолжетімді спорт нысандарымен қамтамасыз ете отырып, осы бағытта жұмысты жалғастыруға ниетті.