Тексерудің негізгі мақсаты – министрліктегі жағдайды, оның ішінде әскери құрылымдарды қаржылық және материалдық-техникалық қамтамасыз ету саласындағы ахуалды жан-жақты зерделеу.

Комиссияны Қазақстан Республикасы Қауіпсіздік Кеңесі Төрағасының орынбасары Аида Балаева басқарады. Комиссия төрағасының орынбасары болып Қазақстан Республикасы Жоғары аудиторлық палатасының төрағасы Әлихан Смайылов тағайындалды.

Комиссия құрамына сондай-ақ Қазақстан Республикасы Президенті Әкімшілігі Басшысының орынбасары Ержан Жиенбаев, Қаржылық мониторинг агенттігінің төрағасы Жанат Элиманов, Қауіпсіздік Кеңесі Аппаратының Басшысы Мұрат Баймұқашев, Қаржы министрі Мәди Тәкиев, Бас Прокурордың бірінші орынбасары Жандос Өмірәлиев, Ұлттық қауіпсіздік комитеті Төрағасының бірінші орынбасары Әли Алтынбаев және Ұлттық экономика бірінші вице-министрі Азамат Әмрин енгізілді.

Комиссия жүргізілген жұмыстың алғашқы нәтижелері туралы жеті күн ішінде баяндауға тиіс.

Өкім қол қойылған күнінен бастап қолданысқа енгізіледі.