Мерекелік іс-шаралар Пестрое көліндегі жаңа экопаркте басталады. 08:00–11:00 аралығында мұнда қаланың ашық триатлон чемпионаты өтеді. Спортшылар өз күштерін сынап, жанкүйерлер қызықты жарысты тамашалай алады.

Одан кейін, 12:00-де, осы жерде «Color Fest» бояулар фестивалі ұйымдастырылып, қала тұрғындары мен қонақтарына көтеріңкі көңіл күй сыйлайды.

Мерекелік бағдарлама әрі қарай қалалық әкімдік алдындағы орталық алаңда жалғасады. 15:00-де «Кішкентай ару – Петропавл – 2026» балалар сұлулық және талант байқауының финалы өтсе, 17:00-де «Ғажайыптар шеберханасы – 2026» жүргізушілер мен аниматорлардың қалалық байқауы басталады.

Сол күні 17:00-де облыстық әкімдік алдындағы басты алаңда «Сүйікті қалам» атты мерекелік концерт өтеді. Көрермендерге арнайы шақырылған DON Барабан ШОУ және қазақстандық эстрада әншісі Нұрболат Абдуллин Nurbullin өнер көрсетеді.

19:00-де «Жылдар үні – қала үні» ретро-караоке бағдарламасы басталады. Бағдарламаның арнайы қонақтары – Мусаева әпкелі-сіңлілері.

21:00-де «Қала VIBE» атты ауқымды жастар бағдарламасы өтеді. Сахнаға Q Production, Baik_Adam & Vokintis дуэті және қазақстандық эстрада жұлдызы YENLIK шығады.

Мерекенің шарықтау шегі 22:30-да өтетін әсерлі отшашу болады. Ал 22:40–23:00 аралығында DJ Yemetz қатысуымен дискотека ұйымдастырылып, Қала күніне арналған мерекелік бағдарлама аяқталады.