<![CDATA[СҚО-да Қытай компаниясы агроөнеркәсіптік жобаларды жүзеге асыруды жоспарлап отыр]]> https://sko24.kz/kk/article/so-da-ytaj-kompaniyasy-agronerksiptik-zhobalardy-zhzege-asyrudy-zhosparlap-otyr kk Fri, 19 Jun 2026 08:54:15 GMT News <![CDATA[СҚО-да Қытай компаниясы агроөнеркәсіптік жобаларды жүзеге асыруды жоспарлап отыр]]> https://sko24.kz/kk/article/so-da-ytaj-kompaniyasy-agronerksiptik-zhobalardy-zhzege-asyrudy-zhosparlap-otyr https://sko24.kz/kk/article/so-da-ytaj-kompaniyasy-agronerksiptik-zhobalardy-zhzege-asyrudy-zhosparlap-otyr Fri, 04 Jul 2025 05:20:59 GMT СҚО жаналықтары Солтүстік Қазақстан облысының әкімі Ғауез Нұрмұхамбетов Қытайдың Beijing Guancheng Shenghua Investment компаниясы директорлар кеңесінің төрағасы Ма Юнхумен кездесу өткізді. Тараптар өңірде агроөнеркәсіп саласындағы бірлескен инвестициялық жобаларды жүзеге асыру мүмкіндіктерін талқылады, деп хабарлайды SKO24.kz.

Шетелдік инвестор облыс аумағында элеватор мен құрамажем зауытын салуға қызығушылық білдірді. Аталған компания өнеркәсіптік және тұрғын үй нысандарын салу, сондай-ақ ауыл шаруашылығын дамыту бағытында жұмыс істейді.

Қазіргі уақытта өңірде «Qyzyljar» арнайы экономикалық аймағын кеңейту жұмыстары жүргізілуде. Атап айтқанда, Ғабит Мүсірепов және Тайынша аудандарында жаңа субаймақтар құрылмақ. Бұл шетелдік инвесторлар үшін өндіріс ашуға қолайлы жағдай жасайды.

«Солтүстік Қазақстан облысы тікелей инвестицияларға, технологиялық серіктестікке және халықаралық бизнестің ынтымақтастығына ашық. Мұндай жобалар өңір экономикасын нығайтып, жаңа жұмыс орындарын ашуға және агроөнеркәсіптік кешеннің дамуына серпін береді», – деді өңір басшысы.

]]>