Прокурорлар заңнама нормаларын түсіндіріп қана қоймай, азаматтарға одан әрі іс-қимылдардың нақты тәртібін анықтауға көмектеседі.

Мәселен, Петропавл қаласының тұрғыны көппәтерлі үйдің ортақ мүлкін күтіп-ұстауға арналған төлемді есептеудің заңдылығы туралы сұрақ қойды. Прокурорлар төлемдерге қандай шығыстар енгізілуі мүмкін екенін, мүлік иелерінің бірлестігінің (МИБ) рөлін және қаражаттың жұмсалуы туралы ақпарат алу тәртібін түсіндірді.

Тайынша ауданы прокуратурасының қызметкерлеріне жер үлесін жоғалту мәселесі бойынша азамат өтініш білдірді.

Есіл ауданының тұрғыны азаматтық іс бойынша сот шешіміне шағым келтіру мәселесі бойынша өтініш білдірді. Оған апелляциялық шағым беру мерзімі, оның мазмұнына қойылатын талаптар және шағымды бірінші сатыдағы сот арқылы беру тәртібі түсіндірілді.

Сондай-ақ азамат мұраны қабылдау үшін өткізіп алған мерзімді қалпына келтіру мәселесі бойынша өтініш білдірді. Тимирязев ауданының прокурорлары сотқа жүгіну тәртібін түсіндірді.

Ақжар ауданында тұрғын көшелерді жарықтандыру мәселесіне алаңдап, тиісті мәселе жергілікті атқарушы органның бақылауына алынды.

Ғабит Мүсірепов атындағы ауданында әкімшілік жауапкершілікке тартудың заңдылығына қатысты мәселе туындады. Өтініш берушіге іс материалдарымен танысу тәртібі, қабылданған шешімге шағым жасау мерзімдері мен тәсілдері, сондай-ақ айыппұлды қысқартылған тәртіппен төлеу мүмкіндігі түсіндірілді.

«Құқықтық дәріхананың» басты міндеті – құқықтық көмекті қолжетімді әрі барынша түсінікті ету.

Акция барысында барлығы 133 азамат қабылданды. Ағымдағы жылдың басынан бері облыс прокуратурасы акция аясында 2600-ден астам азаматты қабылдады.

Облыс прокуратурасы тұрғындарды әр сейсенбі сайын Петропавл қаласындағы «Рахмет» сауда үйінде, сондай-ақ облыстың барлық аудан орталықтарында – сауда-ойын-сауық орталықтарында, халыққа қызмет көрсету орталықтарында, мәдениет үйлерінде, аудандық ауруханаларда және басқа да қоғамдық орындарда өткізілетін «Құқықтық дәріхана» акциясына қатысып, білікті құқықтық көмек алуға шақырады.