СҚО прокуратурасы құны 2,5 млрд теңге инвестициялық жобаны іске асырудағы кедергіні жойды

Солтүстік Қазақстан облысының прокуратурасы Инвесторлардың құқықтарын қорғау комитетінің үйлестіруімен құны 2,5 млрд теңге болатын жұмыртқа бағытындағы құс фабрикасын кеңейту жөніндегі инвестициялық жобаны іске асырушы «Адель Құс» ЖШС құқықтарын қорғады, деп хабарлайды SKO24.kz.

Жоба жаңа құс қораларын салуды, кәсіпорынның өндірістік қуатын арттыруды және қосымша жұмыс орындарын құруды көздейді.

Құрылыс алаңын дайындау кезеңінде инвестор құрылыс үшін берілген жер учаскесінде орналасқан жасыл желектерді кесуді жүзеге асыру қажеттілігіне байланысты әкімшілік кедергіге тап болды.

Қалыптасып отырған жағдай қосымша қаржылық шығындарға және инвестициялық жобаны іске асыру мерзімінің кешігуіне себеп болатын.

Қызылжар ауданы прокуратурасының бастамасы бойынша уәкілетті мемлекеттік органдармен өзара іс-қимыл ұйымдастырылып, жер учаскесі мемлекеттік орман қоры жеріне тиесілігі тұрғысынан тексеру жүргізілді.

Тексеру нәтижелері бойынша жобаны одан әрі іске асыру үшін құқықтық кедергілердің жоқтығы анықталды.

Прокурорлық қадағалаудың қабылданған шаралары нәтижесінде әкімшілік кедергі жойылды, инвестордың құқықтарының сақталуы қамтамасыз етілді және инвестициялық жобаны уақтылы іске асыру үшін жағдайлар жасалды.

Солтүстік Қазақстан облысының прокуратурасы әкімшілік кедергілерге немесе олардың құқықтарын өзге де бұзылушылықтарға тап болған инвесторларды +7 (771) 362-08-99 немесе Call-орталық 115 телефоны арқылы хабарласуға шақырады.