СҚО жаналықтары
Солтүстік Қазақстан облысының әкімі Ғауез Нұрмұхамбетов халықпен есептік кездесуде өңірдегі тұтыну нарығына қатысты қызықты статистикамен бөлісті. Аймақ басшысы жаңа өндірістік қуаттарды іске қосу кезінде нарық сұранысын зерттеудің маңызды екенін атап өтті, деп хабарлайды SKO24.kz.
Әкімнің айтуынша, Петропавл тұрғындары саңырауқұлақ өнімдерін ерекше жақсы көреді. «Біздің қала айына 35 тонна шампиньон тұтынады. Салыстыру үшін айта кетейін, елорда Астана айына шамамен 170 тонна саңырауқұлақ тұтынады», – деді Ғауез Нұрмұхамбетов.
Жоғары сұраныс Солтүстік Қазақстан облысында толық циклдық инновациялық саңырауқұлақ фермасын ашуға себеп болды. Бағасы 11 миллиард теңгеден асатын жоба қаланың өндірістік аймағында іске қосылды.
Ферма жабық цикл бойынша жұмыс істейді: өз компостын өндіреді және саңырауқұлақтарды автоматтандырылған климаттық бақылауы бар арнайы камераларда өсіреді. Жобаның жылдық қуаты – 2,4 мың тонна өнім. Бұл тек жаңа шампиньондар ғана емес, сонымен қатар 65 жаңа жұмыс орнын да білдіреді.
Әкім атап өткендей, зауыт толық қуатына шыққанда Қазақстанның саңырауқұлақ нарығының 26%-ын қамтамасыз ете алады. Осылайша, Солтүстік Қазақстан облысы тек Петропавлдың қажеттілігін жабуға ғана емес, бүкіл елге негізгі жеткізушіге айналуға мүмкіндік алады.
