12–13 қараша күндері Петропавлда грек-рим күресінен республикалық ашық турнир өтеді

Петропавл қаласында Қазақстан Республикасы ІІМ-нің еңбек сіңірген зейнеткері Асылбек Мұстафинді еске алуға арналған грек-рим күресінен республикалық ашық турнир өтеді. Байрақты бәсекеге 2012–2014 жылдары туған жасөспірім балуандар қатысады, деп хабарлайды SKO24.kz.

Турнир жас спортшылардың шеберлігін шыңдап, олардың тәжірибе жинақтауына және өзара мықтыны анықтауына мүмкіндік береді. Сонымен қатар жарыс грек-рим күресін насихаттауға, жасөспірімдер арасында спортқа деген қызығушылықты арттыруға бағытталған.

Боз кілемде белдесетін жас балуандар өздерінің дайындығы мен шеберлігін көрсетіп, жеңіс үшін бақ сынайды. Мұндай жарыстар жас спортшылардың шыңдалуына, спорттық әлеуетін арттыруына және болашақта үлкен додаларда ел намысын қорғауына жол ашады.

Асылбек Мұстафинді еске алуға арналған турнир – спорт ардагерінің есімін ұлықтап, оның рухына құрмет көрсетуге арналған маңызды шара. Жарысқа еліміздің әр өңірінен келген жас балуандар қатысып, тартысты белдесулер көрермен назарына ұсынылады.

Республикалық ашық турнир 12–13 қараша күндері Петропавл қаласындағы Винокуров атындағы спорт сарайында өтеді. Жарыстың басталуы – сағат 10:00.