Петропавл жаңалықтары
Бүгін залда ерекше, нағыз ертегідей атмосфера орнады. Жаңа жыл — балалар үшін ең көп күтілетін әрі ең сүйікті мереке. Өйткені дәл осы мереке ғажайыпқа деген сенім сыйлап, қуаныш пен ұзақ уақытқа есте қалатын жылы естеліктер қалдырады, деп хабарлайды SKO24.kz.
Ел Президенті Қасым-Жомарт Кемелұлы Тоқаевтың атынан жолданған шақыру бойынша Президенттік Жаңа жылдық шыршаға облыстың түкпір-түкпірінен 200 оқушы қатысты. Олар — оқу, шығармашылық, спорт және қоғамдық қызметте өзін көрсете білген, олимпиадалар мен байқаулардың жеңімпаздары, белсенді әрі мақсатшыл мектеп оқушылары. Мереке қонақтарының арасында әлеуметтік жағынан осал санаттағы отбасылардан шыққан балалар да болды, оларға ерекше көңіл мен қамқорлық көрсетілді.
Жас қатысушылар үшін би, көңілді ойындар, қызықты сюжеттер мен жарқын шоуға толы мазмұнды мерекелік бағдарлама дайындалды. Бұл мереке балаларға көптеген жағымды эмоциялар мен ұмытылмас әсер сыйлады.
Іс-шараның қорытынды сәті облыс әкімімен бірге естелікке арналған жалпы суретке түсу болды. Әрбір бала тәтті Жаңа жылдық сыйлық пен бағалы жүлдеге ие болып, көтеріңкі көңіл-күймен және Жаңа жыл ғажайыбына деген сеніммен тарқасты.
